Би "Happy life Academy"- ийг яагаад үүсгэн байгуулсан бэ гэхээр төрийн байгууллагад 10 гаруй жил ажиллаж байх хугацаандаа интернэт кафе ажиллуулах, Пинтерийн хор борлуулах, Тендерийн материал бэлтгэх гээд л хувийн бизнесийг хажуугаар хийх гэж оролдож байгаад анх хувь хүний хөгжлийн сургалт, көүч үйлчилгээ аваад 2017 оноос хойш бүх талуудаа хөгжүүлэхээр суралцаж эхэлсэн.

Миний үндсэн мэргэжил Компьютерийн техник хангамж, Төрийн удирдлагын магистр зэрэгтэй. Би IT мэргэжлээрээ 10 жил ажилсан ч энэ миний хийх ёстой ажил биш гэдгийг үргэлж мэддэг байсан. Яагаад ч юм өөр зүйл хайж, тэмүүлж суралцсаар байсан. Тэгээд хүний явсан зам бүр буруу ч бай зөв ч бай маш их зүйл сурах ёстой зам байсан байдаг. Тийм болохоор Мэдээллийн технологи, Хувь хүний хөгжил зэргийг хамтад нь хийх гарц бол ЦАХИМ орчинд бизнесээ бүтээх бүх арга замуудыг илүү суралцаж ирсэн. Тэр өнгөрсөн сурсан бүхэн энд авчирсан байх.

Та дан ганц сошиал орчин ажиллаж сурах биш хувь хүний хөгжилдөө ч мөн анхаарч сурах хэрэгтэй. Хувь хүн өөрөө хөгжөөгүй бол ямар ч зүйл хийсэн аль нэг цэгт ирээд л гацдаг. Тиймээс та өөрийгөө танин мэдэж байж бусдыг таних, чиглүүлэх, ойлгох, удирдаж сурна. Ингээд сурчих юм бол бусдад хариуцлагаа үүрүүлэх биш бүгдийг өөрөө хийж сурч байж амжилтад хүрэх боломжтойг ойлгох болно. Мэдээж өөрийгөө танин мэдэх маш олон аргууд байдаг. Тэр бүрээс өөрийн хамгийн сайн чаддаг зүйлээ олж, хүссэн дуртай зүйлээ хийж байхад та хэзээ ч уйдахгүй, үрэлж аз жаргалтайгаар орлого олох болно.

Тиймээс хүн бүр өөрийгөө олж хүссэн дуртай зүйлээ хийгээд аз жаргалтай амьдрах арга ухаанд сургах болно.